ភ្នំពេញ៖ កីឡាការិនីកម្ពុជាបានដណ្តើមបានមេដាយមាសលើប្រភេទកីឡាបាល់បោះរទេះរុញ ក្រោយយកឈ្នះកីឡាការិនីថៃ១១ ទល់៩ ក្នុងព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣។
កីឡាការិនីកម្ពុជានៃប្រភេទកីឡាបាល់បោះរទេះរុញ បានដណ្តើមបានមេដាយជូនជាតិមុនគេក្នុងព្រឹត្តិការណ៍កីឡាអាស៊ានប៉ារ៉ាហ្គេម។
នាពិធីបើកព្រឹត្តិការណ៍អាស៊ានប៉ារ៉ាហ្គេមនៅថ្ងៃទី០៣ ខែមិថុនានេះ នឹងប្រព្រឹត្តិទៅក្រោមអធិបតីភាពនាយករដ្ឋមន្ត្រីកម្ពុជា សម្តេចតេជោ ហ៊ុន សែន ជាមួយនឹងការសម្តែងផ្ទាំងទស្សនីយ៍ភាពដ៏អស្ចារ្យដោយក្រុមសិល្បករ សិល្បការិនីមកពីក្រសួងវប្បធម៌ និងវិចិត្រសិល្បៈ។
គូសបញ្ជាក់ថា ព្រឹត្តិការណ៍ប្រកួតកីឡាអាស៊ានប៉ារ៉ាហ្គេមនឹងធ្វើឡើងចាប់ពីថ្ងៃទី០៣-០៩ ខែមិថុនា ឆ្នាំ២០២៣ ដោយមានប្រតិភូកីឡាក្រៅប្រទេសចំនួន១១ សរុបជាង ២ពាន់នាក់ នឹងចូលរួមប្រកួតលើប្រភេទកីឡាចំនួន១៤ មានដូច វាយសី ប៊ូស្យា អុក យូដូ បាល់ទាត់ជនពិការភ្នែក បាល់ទាត់ចលករខួរក្បាល ហែលទឹក បាល់បោះរទេះ បាល់ទះអង្គុយ វាយកូនឃ្លីលើតុជនពិការ បាល់បោះជនពិការ កីឡាលើកទម្ងន់ជនពិការ កីឡា E-Sport និងកីឡាអត្តពលកម្មជនពិការ៕
